Küveytin Neft Naziri Xalid Əli Məhəmməd əl-Fadıl mətbuata etdiyi açıqlamsında, 5 illik fasilədən sonra Vefra bölgəsində neft çıxarmağa yenidən başlandığını bildirib.
Fins.az xəbər verir ki, neft naziri, 2020-ci ili başa vurmadan Vefra neft sahəsindəki quyulardan gündəlik 140 min barel xam neft istehsalına keçəcəklərini söyləyib.
Fadıl, Səudiyyə Ərəbistanı ilə etdikləri razılaşmaya görə, Hafçi sahəsindən də neft istehsalına başlayacaqlarını, buradakı quyulardan gündəlik 250 min barel neft istehsalı hədəflədiklərini bildirib.
Səudiyyə Ərəbistanı ilə Küveyt arasındakı tərəfsiz bölgədə olan Hafci ve Vefra neft sahələrinin gündəlik 500-600 min barel neft istehsal gücü var.
Neft İxrac edən Ölkələr Təşkilatının (OPEC) üzvü olan iki ölkə, 2014-cü ilin Oktyabr ayında ekoloji səbəblərə görə Hafci sahəsindəki, 2015-ci ilin May ayında isə işlədilməsində maneələr olduğuna görə Vefra-dakı quyuları bağlamışdılar.
Səudiyyə Ərəbistanı və Küveyt 2019-cu ilin Dekabr ayında 5 il fasilədən sonra yenidən neft çıxarmaq barədə razılaşmışdılar.