Həyata keçirilən vergi siyasəti əmək bazarına müsbət təsir göstərməkdə davam edir.

Finss.az İqtisadiyyat Nazirliyi yanında Dövlət Vergi Xidmətinin məlumatına əsasən xəbər verir ki, 2025-ci il noyabr ayının 1-nə işçilərlə işəgötürənlər arasında bağlanmış əmək müqavilələrinin sayı 1.884.656 olub.

Məlumata əsasən, təkcə oktyabr ayı ərzində 16,1 min artım müşahidə olunub.

Bildirilib ki, ümumi əmək müqavilələrinin 54,2%-ə yaxını qeyri-neft sektorunun özəl bölməsinin payına düşüb.

Vurğulanıb ki, bu sektorda artımın əsas hissəsi xidmət, ticarət və tikinti sahələrində qeydə alınıb.

Fuad Mədətov
Finss.az