Finss.az xəbər verir ki, Elon Musk, Elon Musk Revocable Trust vasitəsilə cümə günü 2 milyondan çox Tesla səhmini satın alıb. ABŞ Qiymətli Kağızlar və Birja Komissiyasına (SEC) təqdim edilən sənədlərə əsasən, səhmlər 371-396 dollar aralığında qiymətlərlə alınıb.

Bu alışın ümumi dəyəri təxminən 1 milyard dollar təşkil edib. Bu əməliyyatdan sonra Musk-ın Tesla şirkətindəki səhmlərinin sayı 413 milyona çatıb.

Məlumat yayıldıqdan sonra Tesla-nın səhmləri bazar ertəsi premarket ticarətində 6% bahalaşıb. Qeyd edək ki, keçən cümə günü şirkətin sədri Robin Denholm, Elon Musk-ın siyasi fəaliyyətinin Tesla-nın satışlarına mənfi təsir göstərdiyi iddialarını rədd etdikdən sonra, şirkət səhmləri 7,4% artmışdı.