Finss.az xəbər verir ki, Macarıstanın Qalqaheviz şəhəri yaxınlığında MOL və OGD Hungary şirkətlərinin ortaq layihəsi çərçivəsində yeni neft yatağı aşkarlanıb. “Qalgahəviz-4” quyusunun təxminən 2,4 km dərinlikdə yerləşdiyi və sutkada 1000 barel neft hasil etmək gücündə olduğu bildirilib. Bu, MOL Group-un ümumi hasilatının 0,5%-nə bərabərdir.

Yeni kəşf edilən neft Sazhalombatta şəhərindəki Dunay Neft Emalı Zavodunda emal olunacaq. Şirkət rəsmiləri bildirirlər ki, bu yataq Macarıstanın enerji təhlükəsizliyini artırır və idxaldan asılılığı azaldır. Regionda təchizat marşrutları ilə bağlı mövcud qeyri-müəyyənliklər fonunda yerli hasilatın əhəmiyyəti daha da artır.

Layihədə OGD 51%, MOL isə 49% paya sahibdir.