Litva hökuməti “Ignitis groupe” enerji holdinqində dövlət payını artırmaq imkanlarını araşdırır. Hazırda holdinqin 74,99%-i dövlətin mülkiyyətindədir, qalan 26,92%-i isə minoritar səhmdarlara məxsusdur və sərbəst dövriyyədədir. Adi səhmlər Nasdaq Vilnüsdə, GDR-lər isə London Fond Birjasında listinqdədir.

Baş nazir İnqa Ruqiniene bildirib ki, dövlətin strateji obyektlər üzərində tam nəzarətinin təmin edilməsi vacibdir, xüsusən də çətin geosiyasi vəziyyətlərdə. Satınalma prosesi mərhələli şəkildə həyata keçiriləcək, yəni dövlət minoritar səhmləri birdən-birə almayacaq, əksinə addım-addım payları öz nəzarətinə keçirəcək.

Litva hökumətinin bu addımı enerji sektorunda dövlətin rolunu gücləndirməyə, strateji obyektlərdə təhlükəsizliyi artırmağa və ölkənin enerji müstəqilliyini qorumağa yönəlib. Ignitis groupe isə Litva, Latviya, Estoniya, Polşa və Finlanda daxil olmaqla bir neçə ölkədə fəaliyyət göstərir və regionda enerji təminatı üçün mühüm rol oynayır.