Finss.az – Rusiya və Hindistan arasında qarşılıqlı hesablaşmaların 90%-dən çoxu milli valyutalarla aparılır. Bu barədə baş nazirin birinci müavini Denis Manturov Rusiya-Hindistan hökumətlərarası komissiyasının iclasında bildirib.

Manturov qeyd edib ki, ticarəti daha da inkişaf etdirmək üçün ölkələr fasiləsiz hesablaşmaları təmin etməlidirlər. Onun sözlərinə görə, son beş ildə Rusiya-Hindistan ticarət dövriyyəsi yeddi dəfə artıb və ticarətin şaxələndirilməsi diqqət mərkəzindədir.

Rusiya Hindistana ixrac edir:

• Enerji resursları

• Mineral gübrələr

• Metallurgiya və meşə təsərrüfatı məhsulları

• Almaz

• Enerji avadanlıqları

• Ərzaq

Hindistan Rusiyaya ixrac edir:

• Kənd təsərrüfatı məhsulları

• Dərmanlar və kimyəvi maddələr

• Yüngül sənaye malları

• Sənaye xammalı, avadanlıq və komponentlər

Manturov əlavə edib ki, sığorta sahəsində banklararası əməkdaşlıq və qarşılıqlı fəaliyyətin gücləndirilməsi ticarətin sabitliyi üçün vacibdir.