Finss.az xəbər verir ki, Sergey Mosunova məxsus ABŞ-ın SMG Capital investisiya şirkəti, Böyük Britaniyada yerləşən rəngli qiymətli daşlar üzrə mütəxəssis Gemfields-dən dəbdəbəli malların tanınmış tədarükçüsü Fabergeni 50 milyon dollara alıb.

Müqaviləyə əsasən, Gemfields bu ay sövdələşmə tamamlandıqda 45 milyon dollar nağd alacaq, qalan 5 milyon dollar isə rüblük royalti ödənişləri şəklində şirkətə çatacaq.

The Garage Syndicate vençur kapitalı firmasının ortağı Sergey Mosunov bildirib:
"Belə görkəmli və dünya miqyasında tanınan brendin mühafizəçisi olmaq şərəfdir. Faberge bundan sonra da zərgərlik, aksesuar və saat sahəsində fəaliyyətini davam etdirəcək."

Gemfields-in baş direktoru Sean Gilbertson isə satışın şirkət üçün mühüm bir mərhələnin başa çatması anlamına gəldiyini deyib:
"Faberge, Gemfields-in rəngli qiymətli daşlar üzrə nüfuzunu artırmaqda mühüm rol oynadı. Onların marketinq və ulduz gücü üçün mütləq darıxacağıq."

Gemfields, 2024-cü ildə vergidən sonrakı zərərini 100,8 milyon dollara qədər artırıb ki, bu da əvvəlki ilə nisbətən 2,8 milyon dollar çoxdur. Şirkətin illik gəliri isə 19% azalaraq 213 milyon dollara düşüb. Keçən ilin dekabrında “əhəmiyyətli problemlər” fonunda Fabergenin strateji nəzərdən keçirilməsinə başlanılmışdı.