Finss.az xəbər verir ki, Çinin dövlət şirkəti Cosco, Honq-Konqda yerləşən CK Hutchison-un investorlar konsorsiumuna satmağı planlaşdırdığı liman aktivlərinin 20-30%-ni almaq istəyir, Financial Times məlumatlı mənbəyə istinadən xəbər verir.

Bu ilin mart ayında CK Hutchison Hutchison Ports holdinqinin 80%-nə, eləcə də Panama Ports Co.-da 90%-ə sahib olan şirkətləri BlackRock and Terminal Investment Limited konsorsiumuna (Mediterranean Shipping Co. (MSC) bölməsi) satmağa razılaşdığını elan etdi. Ümumilikdə, sövdələşmənin bir hissəsi olaraq bu aktivlər 22,8 milyard dollar dəyərində qiymətləndirilib. Təklif olunan sövdələşmə alıcılara Panama kanalının əks uclarında yerləşən iki limana, həmçinin 23 ölkədə 40-dan çox limana çıxış imkanı verəcək.

ABŞ prezidenti Donald Tramp razılaşmanı alqışlayıb və bunu Vaşinqtonun Panama kanalına nəzarəti bərpa etmək üçün atdığı addımlardan biri kimi qiymətləndirib.