Finss.az - Rusiyanın Segezha Group meşə təsərrüfatı holdinqi 2026-cı ildən Segezha sellüloz-kağız zavodunu modernləşdirərək ağ kisə kağızı istehsalını üç dəfə artıracaq.

Beləliklə, illik istehsal həcmi 50 min tondan 150 min tona çatdırılacaq.

Layihə holdinqin əsas səhmdarı olan AFK Sistema tərəfindən təsdiqlənib.

Segezha Group-un vitse-prezidenti, Kağız və qablaşdırma şöbəsinin rəhbəri Maksim Pisarev bildirib ki, artıq 2025-ci ilin sentyabr-dekabr aylarında ağ kağız istehsalının həcmi azı 40 min tona çatacaq:

“Bu məhsul növünə olan tələbat artmaqda davam edir. Buna görə də biz illik 150 min ton istehsal hədəfi qoymuşuq.”

Yeni istehsal həm Segezha Group-un daxilində, həm də üçüncü tərəf müştərilərə satış üçün nəzərdə tutulub.

Şirkətin planlarına əsasən, məhsulların İraq, İran, Səudiyyə Ərəbistanı, BƏƏ, Küveyt, Çin və Türkiyə kimi ölkələrə ixracı artırılacaq. Gələcək hədəf isə qlobal bazarda 20%-lik paya sahib olmaqdır.