Finss.az xəbər verir ki, regional təşkilat komitəsinin hesabatına görə, Nyu-York və Nyu Cersi 2026-cı il futbol üzrə dünya çempionatına ev sahibliyi etməklə 3,3 milyard dollar qazanacaqlarını gözləyir.

2026-cı il dünya çempionatının səkkiz oyunu, o cümlədən final oyunu Nyu-Cersidəki Metlife Stadiumunda keçiriləcək. Səlahiyyətlilər matçlara 1,2 milyon turist və azarkeşin gəlməsini gözləyir ki, bu da regionda istehlak xərclərini təxminən 1,7 milyard dollar artıracaq.

26 min yeni iş yerinin yaradılması hesabına əmək bazarının yüksəlişi iqtisadiyyata daha 1,3 milyard dollar gətirəcək.

Vergilər və ödənişlər hesabına yerli büdcəyə 432 milyon dollara yaxın əlavə gəlirlər daxil ediləcək.

2026-cı il dünya çempionatı 2026-cı il iyunun 11-dən iyulun 19-dək ABŞ, Kanada və Meksikanın 16 şəhərində keçiriləcək. Turnirdə ilk dəfə olaraq 48 komanda iştirak edəcək.