Finss.az xəbər verir ki, çərşənbə axşamı ticarətin sonunda ABŞ fond indeksləri müxtəlif istiqamətlərdə dəyişdi: Dow Jones Industrial Average inamla yüksəldi, SP 500 və Nasdaq isə sessiyanı qırmızı ilə başa vurdu.

Treyderlər ABŞ-ın ticarət tərəfdaşları ilə apardığı danışıqların gedişatını, həmçinin ABŞ prezidenti Donald Tramp tərəfindən irəli sürülən xərclər və vergilər haqqında qanun layihəsinin Konqresdə müzakirəsini qiymətləndiriblər.

Çərşənbə axşamı Senat, xüsusilə vergilərin azaldılmasını və müdafiə xərclərinin artırılmasını nəzərdə tutan qanun layihəsini təsdiqləyib. İndi Nümayəndələr Palatası qanun layihəsinin Senat tərəfindən təsdiqlənmiş variantına baxacaq. ABŞ Konqresinin aşağı palatasındakı respublikaçı liderlər artıq iyulun 4-dək qanun layihəsini təsdiqləmək niyyətində olduqlarını bildiriblər.

Çərşənbə axşamı treyderlərin diqqəti həm də Avropa Mərkəzi Bankının (ECB) Portuqaliyanın Sintra şəhərində Federal Ehtiyat Sisteminin sədri Jerome Powell-in iştirak etdiyi illik forumuna yönəldi.

Digər aparıcı qlobal mərkəzi bankların rəhbərləri ilə keçirilən sessiyada Pauell bir daha bəyan edib ki, FED baza faiz dərəcəsini azaltmazdan əvvəl Vaşinqtonun ticarət siyasətinin ABŞ-da inflyasiyaya təsirinin sübutunu gözləməyi planlaşdırır. Eyni zamanda, FED rəhbəri iyul iclasında uçot dərəcəsinin azaldılmasının mümkünlüyünü də istisna etməyib. İyul ayında uçot dərəcəsinin endirilə biləcəyi ilə bağlı suala Pauell cavab verib ki, o, görüşlərin heç birində belə bir hərəkətin mümkünlüyünü “istinsаn etməyəcək”, lakin “bunun baş verəcəyini deməyəcək”. FedWatch-in məlumatına görə, ABŞ Mərkəzi Bankının iyulun 29-30-da keçiriləcək iclasda uçot dərəcəsini azaltması ehtimalı hazırda bazar tərəfindən 21% səviyyəsində qiymətləndirilir.