Finss.az - Azərbaycan Dövlət Neft Şirkətinin (SOCAR) Türkiyədəki STAR neft emalı zavodunda (NEZ) 2024-cü ilin yanvar ayında dizel yanacağı istehsalı ötən ilin eyni dövrü ilə müqayisədə azalıb.

Türkiyə Enerji Bazarlarının Tənzimlənməsi İdarəsinin (EPDK) məlumatlarına əsasən, 2024-cü ilin yanvarında zavodda 581 min 804 ton dizel yanacağı istehsal olunub. Halbuki 2023-cü ilin analoji dövründə bu göstərici 639 min 532 ton təşkil edib. Beləliklə, illik müqayisədə STAR NEZ-də dizel istehsalı 9 faizdən çox azalıb.

Qeyd edək ki, STAR zavodunun ümumi illik emal gücü təxminən 10 milyon ton təşkil edir və gündəlik 214 min barel xam neft emal etmək qabiliyyətinə malikdir. 2024-cü il üçün bu göstəricinin 13 milyon tona çatdırılması planlaşdırılır.

Zavod 2018-ci ilin oktyabrında istismara verilib və əsasən Qara dəniz bölgəsi, Afrika ölkələri və digər regionlardan tədarük olunan xam neftlə çalışır. Zavod həmçinin Türkiyənin enerji təhlükəsizliyində və neft-kimya məhsulları təminatında mühüm rol oynayır.