Finss.az xəbər verir ki, İngiltərə Baş Nazirinin 10 nömrəli ofisi və Ticarət Nazirliyi tərəfindən edilən şərhdə, şirkətin İngiltərənin Hull, Northampton və East Midlands bölgələrində dörd yeni logistika mərkəzinin qurulmasına sərmayə qoyacağı və bu obyektlərdə cəmi 4 mindən çox iş yerinin yaradılacağı ifadə edildi.

Açıqlamada, sözügedən 40 milyard funt sterlinqlik sərmayənin ölkə daxilində 100-dən çox istismar binasının təmiri və genişləndirilməsini də əhatə etdiyi bildirilib.

Bəyanatda fikirləri yer alan İngiltərə Baş naziri Keir Starmer, "Amazon-un 40 milyard funt sterlinq investisiyası Böyük Britaniya üçün növbəti böyük uğurdur və ölkəmizin biznes üçün ən yaxşı yer olduğuna dair böyük bir etimaddır. Bu, real karyera imkanları, yeni bacarıqlar öyrənmək və ölkənin hər yerində insanlar üçün ailələrini dəstəkləmək deməkdir" dedi.

Maliyyə naziri Rachel Reeves də bu sərmayəni "Böyük Britaniyanın iqtisadi gücünün güclü təsdiqi" olaraq xarakterizə edərkən, ticarət naziri Conatan Reynolds investisiyanın yüksək ixtisaslı iş yerləri yaradacağını qeyd etdi.

Amazondan edilən şərhdə investisiyanın 2025-2027-ci illəri əhatə edəcəyi təsdiqləndi və investisiyanın İngiltərə iqtisadiyyatına əlavə 38 milyard funt sterlinq qatqı təmin edəcəyinin təxmin edildiyi qeyd edildi.

Amazonun İngiltərədə 75 min işçisi var.