Finss.az xəbər verir ki, ABŞ prezidenti Donald Tramp “Apple Inc.” şirkətini ABŞ-da satılan “iPhone” telefonları ölkə hüdudlarından kənarda istehsal olunarsa, onlara “ən azı 25 faiz” rüsum tətbiq edəcəyi ilə hədələyib. Xəbərlərə görə, Apple səhmləri cümə günü bazar əvvəli ticarətdə 3% ucuzlaşıb.

"Mən Tim Kuka (Apple CEO-su) çoxdan dedim ki, ABŞ-da satılan iPhone-ların Hindistanda və ya başqa yerdə deyil, ABŞ-da istehsal olunacağını gözləyirəm. Əgər belə olmasa, Apple ən azı 25% tarif ödəməli olacaq", - Tramp Truth sosial şəbəkəsində yazıb.

Apple iPhone-ları əsasən Çin və Hindistanda istehsal edir.

Financial Times yazıb ki, Tayvanın Hon Hai Precision Industry Co. (Foxconn Technology) Hindistanda displey modulları zavodunun tikintisi üçün 1,5 milyard dollarlıq layihəyə başlayır. Zavod Apple cihazları üçün komponentlər istehsal edəcək.