Audi, Bugatti, Seat, Skoda və Porsche markalarının daxil olduğu Volkswagen Qrupu ilin birinci rübü üzrə maliyyə nəticələrini açıqlayıb.

Finss.az xəbər verir ki, buna görə, qrupun 2024-cü ilin ilk rübündə 75 milyard 461 milyon avro olan satış gəliri, Çin xaricindəki bazarlarda avtomobil satışlarının artması ilə 2025-ci ilin ilk rübündə yüzdə 2,8 artaraq 77 milyard 558 milyon avroya yüksəldi.

Şirkətin əməliyyat mənfəəti 37 faiz azalaraq 2 milyard 873 milyon avroya, xalis mənfəəti isə 40,6 faiz azalaraq 2 milyard 186 milyon avroya düşüb.

Volkswagen Qrupunun vergidən əvvəl mənfəəti Çində tələbin zəifləməsi, artan xərclər və Avropadakı fabriklərdə həddindən artıq istehsal gücü səbəbindən birinci rübdə 40 faiz azalaraq 3,1 milyard avroya düşüb.

Ötən ilin birinci rübündə 6 faiz olan mənfəət marjası (mənfəətin dövriyyəyə nisbəti) bu ilin birinci rübündə 3,7 faizə enib.