Britaniya bankı HSBC Holdings Plc, maliyyə hesabatlarına görə, birinci rübdə xalis mənfəəti keçən ilin eyni dövründəki 10,837 milyard dollardan 30% azalaraq 7,57 milyard dollara düşüb.

Finss.az xəbər verir ki, Vergidən əvvəlki mənfəət 25% azalaraq 9,484 milyard dollar olub. Gəlir 15% azalaraq 17,649 milyard dollara düşüb.

Hesabatda deyilir ki, performansın pisləşməsi Kanada və Argentinadakı müəssisələrin bölünməsi ilə əlaqədardır. Birdəfəlik faktorlar və məzənnə dəyişiklikləri nəzərə alınmadan mənfəət 1 milyard dollar artaraq 9,8 milyard dollara çatıb.

Bankın xalis faiz gəliri 0,4 milyard dollar azalaraq 8,3 milyard dollar olub. Xalis faiz marjası bir il əvvəl 1,63%-dən 1,59%-ə düşüb.

Visible Alpha-a görə, analitiklər orta hesabla HSBC-nin xalis mənfəətini 5,81 milyard dollar, xalis faiz gəlirini isə 8,185 milyard dollar səviyyəsində proqnozlaşdırmışdılar.