Fins.az - Alphabet Inc., Google-ın ana şirkəti, 2024-cü ilin dördüncü rübü üzrə maliyyə nəticələrini açıqlayıb.

Şirkət, xalis mənfəətini 28% artıraraq $26,536 milyarda çatdırıb, hər səhmdara düşən qazanc isə $2,15 olub. Bu göstəricilər keçən ilin eyni dövrü ilə müqayisədə müvafiq olaraq $20,687 milyard və $1,64 idi.

Alphabet-in gəliri isə 12% artaraq $96,469 milyard olub, amma analitiklərin gözlədiyi $96,68 milyarddan az olmuşdur. Şirkətin reklam gəlirləri 10,6% artaraq $72,461 milyarda çatıb. Google axtarış xidməti reklamlardan $54,034 milyard (12,5% artım), YouTube isə $10,473 milyard (13,8% artım) əldə edib.

Google Cloud xidmətinin gəliri 30%-dən çox artaraq $11,955 milyarda yüksəlib, lakin analitiklər $12,2 milyard gözləyirdilər.

Alphabet, 2024-cü ilin sonuna qədər işçi sayını 183,323 nəfərə çatdırıb ki, bu da keçən ildən 0,5% çoxdur. Bu, 2023-cü ilin birinci rübündən bəri ən yüksək işçi sayıdır.

Şirkət, 2024-cü ildə öz səhmlərini $62,22 milyard dəyərində geri alıb, bunun $15,55 milyardı isə dördüncü rübə aiddir.

Bununla yanaşı, Alphabet-in səhmləri çərşənbə axşamı əlavə ticarət sessiyasında 7,6% dəyər itirib, amma son üç ayda şirkətin bazar dəyəri 21,6% artaraq $2,53 trilyona çatıb.