Ümumdünya Qızıl Şurasının (WGC) məlumatına görə, qlobal ETF-lər (birja ticarəti fondları) 2025-ci ilin mart ayında 8,6 milyard dollar əlavə edib ki, bu da 92 ton qızıla bərabərdir.

Finss.az xəbər verir ki, ümumilikdə birinci rüb üzrə artım 21,1 milyard dollar (226,5 ton) təşkil edib. Yalnız 2020-ci ilin ikinci rübündə dəyər baxımından daha çox olub.

Martın sonunda dünya fondlarında qızılın dəyəri 345,4 milyard dollara çatıb ki, bu da 3445,3 ton təşkil edir.