“Financial Times” yazır ki, işlənmiş Tesla avtomobilləri ABŞ və Böyük Britaniyada digər elektrikli avtomobillərdən daha sürətlə ucuzlaşır.

Finss.az xəbər verir ki, CarGurus bazarının məlumatına görə, mart ayında ABŞ-da işlənmiş Tesla-nın qiymətləri illik müqayisədə 7%, digər markaların elektrik avtomobilləri isə təkrar bazarda 1,5% ucuzlaşıb.

CarGurus-un iqtisadi və bazar təhlili üzrə direktoru Kevin Roberts deyir ki, bu statistikalar göstərir ki, “əvvəllər donanma avtomobillərinin axını işlənmiş Tesla-nın orta siyahı qiymətini aşağı salıb”. Onun sözlərinə görə, təkrar bazar da 2023-cü ildən yeni Teslaların qiymətlərinin aşağı salınması ilə bağlı təzyiq altındadır.

Auto Trader bazarının məlumatına görə, Böyük Britaniyada işlənmiş Tesla mart ayında ümumi işlənmiş elektrik avtomobil bazarında 10% azalma ilə müqayisədə 15% dəyər itirib.