Təchizat İdarəetmə İnstitutunun (ISM) məlumatına görə, ABŞ-ın ISM Xidmətləri indeksi fevralda 53,5 punktdan martda 50,8 punkta düşüb.

“Trading Economics”in məlumatına görə, analitiklər orta hesabla göstəricinin 53 bəndədək azalacağını proqnozlaşdırıblar.

Finss.az xəbər verir ki, 50 baldan yuxarı qiymət xidmət sektorunda işgüzar aktivliyin güclənməsini, aşağıda isə zəifləməni göstərir.

ISM qeyd edir ki, indeks ardıcıl doqquz aydır bu səviyyənin üstündə qalıb, lakin onun mart ayı dəyəri keçən ilin iyun ayından bəri ən aşağı göstərici olub.

Yeni sifarişlər alt indeksi fevralda 52,2 bənddən martda 50,4 bəndinə düşüb.

Məşğulluq göstəricisi bir ay əvvəlki 53,9 bəndlə müqayisədə 46,2 bənd təşkil edib və altı ayda ilk dəfə olaraq daralma zonasına keçib.

Çatdırılma müddətlərinin alt indeksi fevralda 53,4 bənddən 50,6 bəndədək, qiymət təzyiqi fevralda 62,6 bənddən 60,9 bəndədək azalıb.