Finss.az - Finlandiyanın ən qədim faner zavodu olan Suolaxti fabrikası 100 ildən çox davam edən fəaliyyətinə son verir.

Metsa Wood şirkəti, Metsa Group-a daxil olan meşə sənayesi qrupunun bir hissəsi olaraq istehsalı mərhələli şəkildə dayandırır. İlk olaraq, 6 mart tarixində ağcaqayın faneri istehsal edən zavod bağlanacaq.

Şirkət, istehsalın genişlənməsinin mümkün olmamasını, Rusiyadan Finlandiyaya odun tədarükünün dayandırılması nəticəsində ağcaqayın xammal çatışmazlığının yaranması ilə izah edir.

Əvvəlcə, Suolaxti zavodunda ağcaqayın faner istehsalının martın sonuna qədər davam etməsi planlaşdırılmışdı, lakin xammal çatışmazlığına əlavə olaraq, ağcaqayın fanerədə olan tələbatın azalması səbəbindən istehsalın dayandırılması qərarı qəbul edilib.