İqtisadi İslahatların Təhlili və Kommunikasiya Mərkəzinin operatoru olduğu “Enterprise Azerbaijan” portalının “StartUp School 2 – AI for Green Solidarity” (Yaşıl həmrəylik naminə süni intellekt) layihəsinin “Məzun Günü” keçiriləcək. Azərbaycan İnnovasiya Mərkəzində təşkil olunacaq tədbirdə layihənin ən uğurlu komandaları arasında hakaton yarışı təşkil olunacaq.

Fins.az xəbər verir ki, “Məzun Günü”ndə iştirak etmək üçün ABŞ-ın Nevada Universitetinin “Özmən Sahibkarlıq Mərkəzi” nin rəhbəri Mehmet Tosun, Almaniyanın Süni İntellekt Araşdırma Mərkəzinin baş elmi işçisi Nicat Mehdiyev Azərbaycana gəlib.

Hakaton yarışında münsiflər heyətinin qərarına əsasən qaliblər elan olunacaq, mükafatlandırma mərasimi keçiriləcək.

“Enterprise Azerbaijan” portalı “Startup School” layihələrini Almaniyanın Süni İntellekt Araşdırma Mərkəzi və ABŞ-ın Nevada Universiteti ilə əməkdaşlığı çərçivəsində həyata keçirir.

Qeyd edək ki, “Startup School 2” layihəsinə Azərbaycandan və dünyanın müxtəlif ölkələrindən 121 komanda müraciət edib.

Zemfira Ms
Fins.az