Bloomberg fevralın 24-də qəbul oluna biləcək G7-nin bəyanat layihəsinə istinadən xəbər verir ki, G7 ölkələri Rusiya neftinin “qiymət tavanını” necə gücləndirmək və ya mexanizmin daha effektiv olması üçün ona düzəlişlər etmək barədə düşünür.

Finss.az xəbər verir ki, layihədə deyilir ki, “Böyük yeddilik” maliyyə nazirlərinə Kremlin neft dollarlarına çıxışını azaltmaq üçün tətbiq edilən hal-hazırda 60 dollar olan qiymət həddini yenidən işləyib hazırlamaq tapşırığını verə bilər. Bununla belə, agentliyə sənədin G7 üzvləri arasında nə qədər dəstək alacağı bəlli deyil və diplomatlar böyük ehtimalla onun mətnini redaktə etməyə davam edəcəklər.

Bundan əlavə, bəyanatın layihə variantına görə, G7 ölkələri Ukrayna prezidenti Vladimir Zelenskinin danışıqlara hazır olduğunu və Rusiya tərəfinin böhranın həlli üçün şərtlərinin həddindən artıq olduğunu tanıyır.

Sənəddə həmçinin qeyd olunur ki, danışıqlar Kiyevin tam iştirakını təmin etməli və onlar Ukraynanın təhlükəsizliyi və onun Avro-Atlantik inteqrasiya hüququ ilə uzunmüddətli sülhlə başa çatmalıdır.

2022-ci il dekabrın 5-dən Avropa İttifaqı Rusiya neftinin Avropa ölkələrinə tədarükünə embarqo ilə yanaşı, Rusiya neftinin barrelinə 60 dollardan “qiymət tavanı” tətbiq edib. Oxşar qadağa G7 ölkələri və Avstraliya tərəfindən də qoyulub.