MET Gas and Energy Marketing AG Cümə günü Dnestryanıya qaz tədarükünə başlayacaq. Bu barədə qərargahı İsveçrədə yerləşən Macarıstan şirkəti cümə axşamı axşam öz saytında məlumat verib.

Finss.az xəbər verir ki, açıqlamada deyilir ki, MET Group cümə günü, fevralın 14-dən başlayaraq qısamüddətli müqavilə çərçivəsində Moldovaya qaz tədarükünə başlamağı planlaşdırır. Moldovanın enerji təhlükəsizliyinə töhfə verən həll yoluna nail olmaq “yalnız Avropa İttifaqı, Ukrayna və Moldovanın müvafiq nəqliyyat sistemi operatorlarının həlledici töhfəsi ilə mümkün olub”.

Bundan əvvəl Moldovanın baş naziri Dorin Recean bəyan etmişdi ki, söhbət Dnestryanı regionun qaz təchizatından gedir. Bu tədarüklərin 16 gün ərzində, fevralın sonunadək həyata keçirilməsi planlaşdırılır.

Ukraynanın tranzit sazişini uzatmaqdan imtina etməsi və Moldovaqazın 709 milyon dollarlıq borcu ilə bağlı mübahisə fonunda yanvarın 1-də Rusiya qazının regiona tədarükü dayandırıldıqdan sonra Dnestryanıya qaz nəqli Aİ-nin 20 milyon avro vəsaiti hesabına fevralın 1-dən 10-dək bərpa edilib.