Finss.az xəbər verir ki, ABŞ maliyyə naziri Skott Bessent Kiyevdə Ukrayna prezidenti Vladimir Zelenski ilə görüşdə deyib ki, ABŞ gələcəkdə Amerikanın dəstəyi müqabilində Ukrayna ilə iqtisadi əməkdaşlıq haqqında saziş bağlamaq istəyir. Nazirin çıxışı Qərb mediası tərəfindən yayımlanıb.

"Biz iqtisadi əməkdaşlıq haqqında saziş bağlamaq istərdik. Bu müqavilənin müqabilində ABŞ Ukraynaya maddi dəstək verməyə davam edəcək", - Bessent bildirib.

O qeyd edib ki, onun fikrincə, bu razılaşma ABŞ-ın Ukraynaya yardım etmək öhdəliyi ilə bağlı Moskvaya siqnal ola bilər.

Tramp bundan əvvəl Ukrayna ilə maliyyə və hərbi yardım müqabilində ABŞ-a ölkənin nadir torpaq metallarına çıxış imkanı verəcək razılaşma əldə etmək istədiyini bildirmişdi.