Avropanın ən böyük tur operatoru olan Almaniyanın TUI AG şirkəti 2025-ci maliyyə ilinin birinci rübündə gəlirini 13,2% artırıb və xalis zərərini 2,7 dəfə azaldıb.

Finss.az xəbər verir ki, oktyabr-dekabr aylarında şirkətin gəliri bir il əvvəlki 4,3 milyard avro ilə müqayisədə 4,87 milyard avro təşkil edib.

Xalis zərər 83,5 milyon avrodan 30,4 milyon avroya qədər azalıb.

Faiz və vergilərdən əvvəl əsas mənfəət (EBIT) əvvəlki ildəki 6 milyon avro ilə müqayisədə 50,9 milyon avro təşkil edib.

Hesabat rübündə TUI 3,7 milyon müştəriyə xidmət göstərib ki, bu da ötən ilin eyni dövrü ilə müqayisədə 6% çoxdur. Şirkət həmçinin bildirib ki, bu il qış və yay üçün sifarişlər 2% artıb.

2025-ci maliyyə ili üçün şirkət hələ də əsas EBIT artımını 7-10% və gəlir artımını 5-10% gözləyir.