Ötən il Azərbaycandan 15,2 milyon ABŞ dolları dəyərində 7,4 min ton (2023-cü illə müqayisədə dəyər baxımından 562 min dollar və ya 3,8 faiz, həcm ifadəsində isə 390 ton və ya 5,6 faiz çox) qurğuşun və ondan hazırlanan məmulatlar ixrac olunub.
Finss.az bu barədə Dövlət Gömrük Komitəsinə istinadən xəbər verir.
Qeyd edək ki, 2024-cü ildə Azərbaycanda metallurgiya sənayesi və hazır metal məmulatlarının istehsalı sahələrində 1,3 milyard manatlıq məhsul istehsal edilib. Hazır metal məmulatlarının istehsalı sahəsində 38,9 faiz, metallurgiya sənayesi məhsullarının istehsalında isə 27,1faiz artım müşahidə olunub.
2024-сü ildə metallurgiya sənayesi üzrə mis məftilin istehsalı 5,5 dəfə, alüminium məmulatlarının istehsalı 72,1faiz, hazır metal məmulatlarının istehsalı sahəsi üzrə metaldan sair məmulatların istehsalı 20 faiz, izolyasiyası olmayan çoxnaqilli məftil, troslar və oxşar məmulatların istehsalı isə 17,9 faiz artıb.
Fuad Mədətov
Finss.az