Finss.az - Vale şirkətinin mis istehsalı 2024-cü ilin 4-cü rübündə illik müqayisədə 3%-ə yaxın artaraq 101,800 tona çatıb.

Artım, Braziliyanın Salobo müəssisələri və Kanadanın Sudbury müəssisələrindən əldə edilən nəticələrlə yanaşı, Kanadadakı Voisey’s Bay körfəzindəki yeraltı mədənlərin hasilatının artırılması sayəsində baş verib.

Eyni dövr ərzində mis satışları 1,5% artaraq 99,000 ton olub. RBC Capital Markets analitikləri, Vale şirkətinin əsas metallar bölməsindəki inkişafın yaxşı olduğunu və mis üzrə əldə olunan müsbət nəticələrin gələcəkdə də uğurlar gətirəcəyini qeyd ediblər.

Vale həmçinin 4-cü rübdə 45,500 ton nikel istehsal edib, bu da 2023-cü ilin eyni dövrü ilə müqayisədə 1% artım deməkdir. Şirkət, Onca Puma, Sudbury və Voisey’s Bay müəssisələrində yüksək hasilat nəticələrinə nail olub. Lakin nikel satışları 47,100 tona enərək 2%-lik azalma göstərib.

Vale şirkəti, bu nəticələrin gələcəkdə fəaliyyətin daha da stabil və məhsuldar olacağına işarə etdiyini vurğulayıb.