2023-cü ilin yanvar-aprel aylarında banklara məxsus ödəniş xidməti şəbəkəsində digər xarici maliyyə institutlarının ödəniş kartları ilə 677,9 milyon manat, yalnız aprel ayında isə 126 milyon manat dəyərində əməliyyat aparılıb.

Fins.az İqtisadi İslahatların Təhlili və Kommunikasiya Mərkəzinin yaydığı məlumata istinadən xəbər verir ki, bu göstəricinin həcmi ötən ilin yanvar-aprel ayları ilə müqayisədə 1.2% və ya 8.4 milyon manat, 2022-ci ilin aprel ayı ilə müqayisədə isə 7.8% və ya 10.6 milyon manat azdır.