1 sentyabr 2021-ci il tarixində “Continental Construction and İndustrial CO” ASC səhmdarlarının növbədənkənar ümumi yığıncağı keçiriləcəkdir.

Fins.az xəbər verir ki, gündəlikdəki məsələlər aşağıdakılardır:

1. Ümumi yığıncağın gündəliyinin təsdiq edilməsi.

2. Cəmiyyətin yeni baş direktorunun seçilməsi.

 3. “Continental Construction and İndustrial CO” ASC-nin dövlət qeydiyyat məlumatlarında baş vermiş dəyişikliklərin qeydə alınması üçün müvafiq dövlət orqanına müraciət edilməsi.

Yığıncaq Abşeron rayonu, Xırdalan şəhəri, H.Əliyev prospekti 25 nömrəli ünvanda keçiriləcək.

“Continental Construction and industrial Co” ASC tikinti fəaliyyətilə məşğul olur. Bir sıra dövlət qurumlarının binaları bu şirkət tərəfindən inşa edilib.

1 milyon 51 min manat cəmi aktivlərə malik olmuş “Continental Construction and İndustrial CO” şirkəti 2020-ci ildə 1 milyon 30 min manat əsas əməliyyat gəliri əldə edib. Şirkət 2019-cu ildə 5 milyon 150 min manat əməliyyat gəliri əldə etmişdi. Beləliklə, 2019-cu illə müqayisədə 2020-ci ildə şirkətin gəliri 5 dəfə azalıb. Ötən il şirkətin xalis mənfəəti 48 min manat təşkil edib  (2019-da 23  min manat).

1998-ci ildən fəaliyyət göstərən şirkətin təşkilati-hüquqi formasının açıq səhmdar cəmiyyətindən (ASC) məhdud məsuliyyətli cəmiyyətə (MMC) dəyişdiriləcəyi elan edilmişdi.

453 min 280 manat nizamnamə kapitalına malik olan “Continental Construction and İndustrial CO” ASC-nin qanuni təmsilçisi Omarov Qorçu Cəlil oğludur.