Azərbaycan Sahibkarlar Konfederasiyası, Sahibkarlığın İnkişafı Fondu ilə əməkdaşlıq çərçivəsində güzəştli maliyyə dəstəyi mexanizmləri barədə sahibkarların maarifləndirilməsi məqsədilə ZOOM platforması üzərindən ASK üzvləri üçün 16 aprel 2021-ci il tarixində saat 16:00-da “Sahibkarların maliyyə resurslarına çıxış imkanlarının genişləndirilməsi” mövzusunda vebinarda iştirak etməyə dəvət edir.

Fins.az xəbər verir ki.bu barədə Azərbaycan Sahibkarlar Konfederasiyası məlumat yayımlayıb 

Məlumata görə, İqtisadiyyat Nazirliyinin Sahibkarlığın İnkişafı Fondu iqtisadiyyatın müxtəlif sahələrində fəaliyyət göstərən sahibkarların layihələrinin güzəştli şərtlərlə maliyyələşdirilməsini davam etdirir.

Vebinarda sahibkarlara Fond tərəfindən təklif olunan maliyyə mexanizmləri, o cümlədən güzəştli kredit, avadanlıq krediti, kreditlərə zəmanət və mövcud kredit portfelinin subsidiyalaşdırılması mexanizmləri, onların şərtləri, müraciət forması və tələb olunan sənədlər barədə məlumat veriləcəkdir. Eləcə də, İqtisadiyyat Nazirliyi tərəfindən yaradılmış Elektron Kredit Platforması və onun üstünlükləri barədə sahibkarlara məlumat veriləcək.

Vebinarda iştirak üçün qeydiyyatdan keçmək mütləqdir. Qeydiyyat üçün əlaqələndirici şəxsə  ad, Soyad,təmsil edilən qurum,icra edilən vəzifə, e-mail ünvanı,telefon nömrəsini göndərməyiniz xahiş olunur.Vebinarda iştirak etmək üçün gərəkli zoom link ancaq qeydiyyatdan keçmiş şəxslərə göndəriləcək.