Bu günədək, Dövlət Gömrük Komitəsinin "Yaşıl dəhliz" buraxılış sisteminin idxal əməliyyatlarından yararlanmaq üçün ümumilikdə 430 hüquqi və fiziki şəxs icazə əldə edib.

Fins.az xəbər verir ki, bunu " Azərbaycanda Xarici Ticarətin Gömrük Statistikası" adlı mətbuat konfransında çıxış edərkən Səfər Mehdiyev deyib.

Onun sözlərinə görə, bu sistemin tədbiqindən yararlanan sahibkarlar ümumilikdə, 25-30 mln.manatlıq qənaət edib. İxrac əməliyyatlarından isə, 235 şirkət iştirakçısı hüququnu əldə edib ki, bu şirkətlərin də ixrac əməliyyatlarında payı 33% təşkil edir. Rəqəm etibarı ilə bu göstərici 4,51 mlrd. dollardan yuxarıdır