Brent nefti cüzi artdı, WTI isə azaldı

13 avqust 2025-ci il tarixində dünya birjalarında neft brendlərinin fyuçers müqavilələrinin qiymətləri sabitliyini qoruyub.

Finss.az xəbər verir ki, ICE London birjasında Brent markalı neftin oktyabr fyuçersləri hər barel üçün 66,15 ABŞ dolları səviyyəsində ticarət olunub. Bu, əvvəlki göstəriciyə nisbətən təxminən 0,05 ABŞ dolları (+0,05%) artım deməkdir.

Nyu-Yorkun NYMEX birjasında isə WTI markalı neftin fyuçers qiyməti hər barel üçün 63,14 ABŞ dolları təşkil edib. Bu göstərici əvvəlki günə nisbətən 0,03 ABŞ dolları (-0,05%) azalma ilə nəticələnib.

Ümumilikdə, neft bazarında sabitlik hökm sürür. Analitiklərin sözlərinə görə, bazar iştirakçıları ABŞ-da gözlənən tələbin zəifləməsi və neft ehtiyatlarının yüksək olması ilə bağlı hesabatlara reaksiya göstərirlər.