8 avqust 2025-ci il tarixində dünya birjalarında qiymətli metalların qiymətləri artıb.

Finss.az xəbər verir ki, Nyu-Yorkun NYMEX bazarında qızılın fyuçers qiyməti 1 unsiya üçün 3 488,90 ABŞ dolları təşkil edib ki, bu da əvvəlki günə nisbətən 1,31 faiz artım deməkdir. Gümüşün fyuçers qiyməti 38,49 ABŞ dollarına qalxaraq 0,86 faiz bahalaşıb. Platin fyuçersləri 1 364,30 ABŞ dolları səviyyəsində ticarət olunub və 1,07 faiz yüksəlib. Spot bazarda platin 1 350,40 ABŞ dolları olub, bu isə 0,01 faiz artıma bərabərdir.

Analitiklər qiymət artımını ABŞ-da geosiyasi gərginlik, iqtisadi qeyri-müəyyənlik və inflyasiya riskləri fonunda investorların təhlükəsiz aktivlərə marağının artması ilə izah edirlər.