Fins.az - ABŞ-da “Conference Board” tədqiqat təşkilatı tərəfindən hesablanan İstehlakçı İnam İndeksi dekabr ayında 104.7 bəndədək geriləyib.

Həmçinin, göstəricinin noyabr ayı üzrə nəticələri 111.7 bənddən 112.8 bəndədək yenilənib. Ekspertlər orta hesabla indeksin dekabrda ilkin elan edilmiş noyabr səviyyəsindən 113 bəndədək yüksələcəyini proqnozlaşdırmışdılar.

Amerikalı istehlakçıların cari maliyyə vəziyyətinə münasibətini bildirən subindeks noyabrda 141.4 bənddən 140.2 bəndədək azalıb. İstehlakçı Gözləntiləri İndeksi isə 93.7 bənddən 81.1 bəndədək enib.

Amerikalılar hələ də növbəti on iki ay ərzində istehlak qiymətlərinin orta artım tempinin 5% olacağını ehtimal edirlər. Bu, 2020-ci ilin martından bəri ən aşağı göstəricidir.

İstehlakçıların 19.1%-i noyabrdakı 22.8%-lə müqayisədə bazarda mövcud iş yerlərinin sayının artacağını proqnoz edirlər.