Fins.az - Nyu-Yorkun tanınmış investisiya bankı The Benchmark Company-nin baş analitiki Mark Palmer, Bitcoin-in 2026-cı ilin sonuna qədər 225 000 dollar olacağını proqnozlaşdırır.

Bu, kriptovalyutanın hazırkı qiymətindən 135% artım deməkdir. Hazırda Bitcoin-in qiyməti 96 000 dollar civarındadır.

Palmer, Bitcoin-in qiymətinin əsasən institusional investorlar tərəfindən artırılacağını bildirib. O, bu artımın, investorların və pensiya fondlarının Bitcoin-ə marağının artması ilə bağlı olduğunu vurğulayıb. Analitik, Bitcoin-in qeyri-korrelyasiya edilmiş və böyük artım potensialına malik bir aktiv olduğunu qeyd edərək, "Bitcoin-in portfeylərə daxil edilməsi məntiqlidir" dedi.

Palmer, eyni zamanda Bitcoin-in keçmiş halving hadisələrinə də diqqət çəkib. Onun sözlərinə görə, son üç halvingdən sonra Bitcoin-in qiymətində əhəmiyyətli artımlar baş verib və bu, tələbin artması ilə əlaqəlidir.

Ekspert, Bitcoin-in qiymətinin artmasında ABŞ-da potensial olaraq kriptovalyutalar üçün əlverişli tənzimləmələrin də rol oynayacağını bildirərək, seçilmiş prezident Donald Trump-ın kriptovalyutaların inkişafına dəstək verəcəyini və Bitcoin ehtiyatı yaradacağını gözləyir.

Palmer, "Bu dəyişikliklər Bitcoin-in qiymətinə böyük təsir göstərə bilər və onun gələcəkdə daha da artacağı ehtimalını gücləndirir," – deyə əlavə edib.