Fins.az – Neftin qiyməti, İraqdan İsrailə mümkün hücum planları ilə bağlı xəbərlərin yayılmasından sonra kəskin artıb.

Yahoo Finance-in məlumatına görə, Brent markalı neftin qiyməti cümə günü 2% artaraq bir barel üçün 74 ABŞ dollarını, WTI isə 71 dollar səviyyəsini keçib. Hazırda Brent 74,16 dollar, WTI isə 70,64 dollar səviyyəsindədir.

Axios-un məlumatına görə, İranın hücumu pilotsuz uçuş aparatları və ballistik raketlərlə həyata keçirilməsi planlaşdırılır. Oktyabrın 1-də baş verən raket hücumuna cavab olaraq İsrailin İrana məhdud bir hücum etdiyi bildirilib ki, bu da bazar iştirakçılarının diqqətini zəif iqtisadi göstəricilərə yönəldib.

Standard Chartered, bazarın “çox tez rahatlaşdığını” vurğulayıb. Eyni zamanda, Yaxın Şərqdəki hadisələr, İsrailin ABŞ-ın Livanda münaqişənin dayandırılması təklifini nəzərdən keçirməsi ilə hərbi əməliyyatların azalabileceyinə işarə edir. Bununla yanaşı, İsrail ordusu İranın yenidən hücum edəcəyi təqdirdə “çox güclü bir cavab verəcəyini” bəyan edib.

Vanda Insights şirkətinin yaradıcısı Vandana Harinin fikrincə, “Bazar Yaxın Şərqdə gərginliyin artımını nəzərə almadan edə bilməz, lakin İsrail və İranın genişmiqyaslı müharibəyə getməyəcəyi də aydındır.”

Neft bazarında qiymətlərə təsir edə biləcək bir sıra mühüm hadisələr gözlənilir. Bunlara ABŞ-da keçiriləcək seçkilər, Çinin ali qanunverici orqanının növbəti həftəki iclası və OPEC+ tərəfindən hasilatın dekabrdan etibarən bərpası ilə bağlı qərar daxildir.

Eyni zamanda, Çində oktyabr ayında istehsal fəaliyyəti gözlənilmədən artıb. Bu göstəricilər, Pekinin iqtisadiyyata stimul verməsi ilə vəziyyətin sabitləşdiyinə işarə edir. Ötən ay yaşayış daşınmaz əmlakının satışlarında illik göstəricilərdə artım qeydə alınıb, bu da 2024-cü ildə ilk belə artım olub.