Bildirilir ki, Çin strateji neft ehtiyatları üçün neft almaq üçün Rusiya ilə danışıqlar aparır.
"Fins.az" xəbər verir ki, Rusiya nefti ilə bağlı embarqo planları gündəmdə qalarkən, Çin və Rusiya arasında ucuz neft sövdələşmələri aparılır.

Bloomberg-in hesabatına görə, Çin strateji neft ehtiyatlarını artırmaq üçün ucuz Rusiya neftini almaq üçün danışıqlar aparır.

Bloomberg-ə danışan mənbə bildirib ki, danışıqlar hökumət səviyyəsində gedir, danışıqlarda müvafiq şirkətlər məhdud səviyyədə iştirak edir. Danışıqlar zamanı həcmi və ödəmə müddəti ilə bağlı detalların aydın olmadığı bildirilib.

Hər iki tərəfin xarici işlər nazirlikləri Bloomberg-in şərh istəməsinə cavab verməyib. ABŞ və İngiltərə Rusiya neftinə embarqo qoyarkən, Macarıstan başda olmaqla bəzi üzv dövlətlərin etirazları ilə Avropa Birliyi embarqo ilə bağlı razılığa gələ bilməyib.