Kifayət qədər kapital toplamaqda çətinlik çəkən Sloane Robinson bu yaxınlarda qapadılan ən yüksək səviyyəli hedc fondlarına qoşulub.
Fins.az xəbər verir ki 1994-cü ildə bu sahəyə investisiya qoymağa başlayan şirkət, Bloomberg-in əldə etdiyi bir investor məktubuna görə, 2020-ci ilin sonunda bağlanacaq və Qlobal İmkanlar və Qlobal Yaradıcı portfellərini bitirəcək.

Londonda fəaliyyət göstərən fondun baş direktoru Devid Qeyl məktubdan başqa bir açıqlama verməyə razı olmayıb

Bazar ertəsi günü bir notda, Fond öz investorlarına, "Çətin bazar şərtləri dövründə güclü investisiya performansına baxmayaraq, bu təşəbbüsü dəstəkləmək üçün kifayət qədər vəsait əldə edə bilmədik və qurucu tərəfdaşların sərvət fondundan əldə edilən gəlirlərdən asılı qaldıq." dedi.

Hugh Sloane və George Robinson tərəfindən təsis edilmiş fond Asiya bazarlarında səhmlərin inkişafı və ticarətinə yönəlmiş fəaliyyət həyata keçirirdi. 2008-ci il böhranından əvvəl fond 10 milyard dollardan çox aktiv idarə etmişdi.

Sonrakı illərdə idarəetmə aktivləri sürətlə azalmış fond, 2012-ci ildə fəaliyyətini və investisiya idarəetmə qrupunu yenidən formalaşdırdı.

Vəsait toplamağın getdikcə çətinləşdiyi hedc fondu sektorunda investorlar son on ildə yüksək əmək haqqı və qənaətbəxş olmayan gəlirdən şikayətlənirlər.

EVestment tərəfindən tərtib edilmiş məlumatlara görə, ötən ilin əvvəlindən bəri 130 milyard dollarlıq müştəri itirilmişdi. Hedc fondu aktivlərinin ləğvi birinci rübdə dörd ildən çox müddətdə ən yüksək səviyyəyə qalxıb.

Təxminən on il əvvəl qlobal maliyyə böhranı zamanı tanına məşhur hedc fondu meneceri John Paulson da sektordan ayrılacağını açıqlayıb

Müəllif: Aynur Qəniyeva