“Royal Dutch Shell” balansındakı aktivlərin dəyərini 15-22 milyard dollar azaldacaq.

Fins.az xəbər verir ki, “Shell” aktivlərinin dəyərini 15 milyardla 22 milyard dollar arasında azaldacaq.

Neft nəhəngi aktivlərinin dəyərini bu qədər aşağı salmaqla investorlara neft sənayesinin koronavirus böhranından nə qədər ağır təsir gördüyünü göstərir.

“Shell”in yayımladığı açıqlamaya görə, şirkət pandemiya səbəbindən tələbatın azalması ilə bağlı neft məhsullarının satış həcminin ötənilki gündəlik 6,6 milyon barreldən cari ilin ikinci rübündə 3,5-4,5 milyon barrelə azalacağını gözləyir. Şirkət rüblük maliyyə hesabatını iyulun 30-da dərc edəcək.