2024-cü ilin oktyabr ayında Türkiyə limanları 5,396 gəmi qəbul edib.

Fins.az xəbər verir ki, bu barədə Türkiyənin Nəqliyyat və İnfrastruktur Nazirliyindən məlumat verilib.

Bu dövr ərzində digər ölkələrin bayraqları altında olan gəmilərdən 3,451-i, Türkiyə bayrağı altında olan gəmilərdən isə 1,945-i limanlara daxil olub.

2024-cü ilin yanvar-oktyabr aylarında isə Türkiyə limanları ümumilikdə 51,713 gəmi qəbul edib. Bu müddət ərzində digər ölkələrin bayraqları altında olan gəmilərdən 33,584-ü, Türkiyə bayrağı altında olan gəmilərdən isə 18,129-u limanlarda olub.

Fuad Mədətov
Fins.az