Qırğızıstanın Oş vilayətinin Karasu rayonunun Nəriman kəndində “Jeti Baatyr” brendi ilə süd məhsulları istehsal edən İ.P.Mahmudov M. süd məhsullarının istehsalında istifadə olunacaq xam süd istehsalı üçün beynəlxalq standartlara cavab verən müasir süd fermasının tikintisini nəzərdə tutulan investisiya layihəsini təklif edir.

Fins.az xəbər verir ki, hər biri ildə orta hesabla 9000 kq südvermə qabiliyyətini təmin etməyə qadir olan 300 baş yüksək məhsuldar inəklərin alınması nəzərdə tutulur. Təxmin edilən xam süd istehsalı ildə orta hesabla 2700 ton olacaq. Südçülük ferması 1 hektar mövcud torpaq sahəsində tikiləcək.

Layihənin icraçısı 2010-cu ildən fəaliyyət göstərən və “Jeti Baatyr” brendi ilə süd məhsulları istehsal edən İ.P.Mahmudov M-dir. Hazırda 12-13 növ “Jeti Baatyr” məhsulları istehsal olunur, əsas məhsul xəttinə kefir, qaymaq, xama, kəsmik, pendir, müxtəlif qablaşdırmada və çəkidə süd daxildir, o cümlədən, Hollandiya və İtaliya pendirlərinin istehsalı xətti də işə salınıb.

“Jeti Baatyr” brendi ilə süd məhsulları istehsal edən İ.P.Mahmudov M. icraçısı layihənin reallaşacağı təqdirdə, investisiyanın geri ödəmə müddətinin 4,74 il olacağını bildirib.

• Layihənin dəyəri - 2.900.000 ABŞ dolları
• Yüksək məhsuldar mal-qaranın alınması – 900.000 ABŞ dolları
• Tikinti - 1.000.000 ABŞ dolları
• Avadanlıq – 1.252.000 ABŞ dolları
• Dövriyyə kapitalı - 400.000 ABŞ dolları
• İnvestisiya məbləği - 2.900.000 ABŞ dolları

Əlaqələndirici şəxs: +994 55 546 98 30

Fuad Mədətov
Fins.az