Cari ilin birinci yarımilində Azərbaycandan Polşaya fiziki şəxslərin pul köçürmələrinin həcmi 2,242 milyon ABŞ dolları təşkil edib.

Finss.az bu barədə Azərbaycan Mərkəzi Bankına istinadən xəbər verir ki, bu göstərici 2024-cü ilin eyni dövrü ilə müqayisədə 537 min ABŞ dolları və ya 19,3% azdır.

Hesabat dövründə Azərbaycandan xaricə ümumi pul köçürmələrində Polşanın payı 0,9% təşkil edib. Beləliklə, Polşa Azərbaycandan pul köçürmələri siyahısında 18-ci yerdə qərarlaşıb.

Eyni zamanda, 2025-ci ilin ilk 6 ayında Polşadan Azərbaycana fiziki şəxslərin pul köçürmələrinin həcmi 2,256 milyon ABŞ dolları olub. Bu göstərici 2024-cü ilin eyni dövrü ilə müqayisədə 542 min ABŞ dolları və ya 31,6% artım deməkdir.

Xaricdən Azərbaycana ümumi pul köçürmələrində Polşanın payı 0,4% təşkil edib, beləliklə Polşa dövr ərzində Azərbaycana ən çox pul daxilolmaları üzrə 19-cu pillədə qərarlaşıb.

2024-cü ilin birinci yarımilində Azərbaycandan Polşaya pul köçürmələri 2,779 milyon ABŞ dolları, əks istiqamətdə isə 1,714 milyon ABŞ dolları olub.

Ümumilikdə, 2025-ci ilin ilk 6 ayında Azərbaycandan xarici ölkələrə fiziki şəxslərin göndərdiyi pul köçürmələrinin həcmi 238,180 milyon ABŞ dolları təşkil edib, bu da 2024-cü ilin eyni dövrü ilə müqayisədə 21,420 milyon ABŞ dolları və ya 8,2% azdır.

Eyni zamanda, xarici ölkələrdən Azərbaycana fiziki şəxslərin pul köçürmələrinin həcmi 533,957 milyon ABŞ dolları olub, bu da 2024-cü ilin müvafiq dövrü ilə müqayisədə 33,847 milyon ABŞ dolları və ya 6% azalma deməkdir.

Fuad Mədətov
Finss.az