"Ziraat Bank Azərbaycan" ASC, Sahibkarlığın İnkişafı Fondu ilə əməkdaşlıq çərçivəsində sahibkarlara avadanlıq krediti təklif edir.

Finss.az xəbər verir ki, bu kredit, mövcud avadanlıqlarını yeniləmək və ya yeni avadanlıqlar əldə etmək istəyən sahibkarlıq subyektlərinə təqdim edilir. Avadanlıq krediti, avadanlıqların girov qoyulması yolu ilə təmin edilir və sahibkarlara işlərinin inkişafı üçün lazımi avadanlıqları əldə etməyə imkan verir.

Kreditin məbləği 5 000 AZN-dən 3 000 000 AZN-dək ola bilər və kreditin müddəti 5 ilədək təyin olunur. Faiz dərəcəsi illik 9%-dəkdir. Həmçinin, avadanlığın quraşdırılması üçün tələb olunan vaxt nəzərə alınmaqla 12 aya qədər güzəşt müddəti tətbiq olunur. Sahibkarlar avadanlığın qiymətləndirilmiş satış dəyərinin minimum 20%-i (yerli istehsal məhsulu olan avadanlıqlar üçün 10%) ilkin ödəniş etməlidirlər.

Lazımi sənədlər:

• Sahibkarlıq subyektinə aid məlumatların Fonda ötürülməsinə dair sahibkarın razılığını təsdiq edən sənədin əsli.
• 200 000 AZN-dək kreditlər üçün sahibkarlıq subyektinin investisiya layihəsinə dair məlumat, 200 000 AZN-dən yüksək kreditlər üçün biznes plan.
• VÖEN-in surəti.
• Şəxsiyyət vəsiqəsinin surəti.
• Sahibkarın fəaliyyət göstərəcəyi yerə və ya əmlaka dair sənədlər.
• Avadanlığın qiymətləndirilməsi haqqında sənədin surəti.
• Daşınar əmlakın yüklülüyünün dövlət reyestrindən əldə olunan yüklülük bildirişinin surəti.

Bu avadanlıq krediti, sahibkarlara işlərini daha da genişləndirmək və avadanlıq ehtiyaclarını qarşılayaraq fəaliyyətlərini təkmilləşdirmək imkanı təqdim edir.

Ətraflı məlumat üçün keçid: //ziraatbank.az/az/avadanliq-krediti

Fuad Mədətov
Finss.az