“Azərbaycan Mikro-Kredit” BOKT ASC kənd təsərrüfatı ilə məşğul olan fiziki şəxslər üçün aqro kreditlər üzrə şərtləri yeniləyib.

Finss.az xəbər verir ki, BOKT-un kredit məbləği 500 manatdan 5 000 manatadək dəyişir. Müddət 3 aydan 24 ayadək müəyyən olunur.

İllik faiz dərəcəsi 32%-dən başlayır və 48%-dək yüksəlir. Effektiv illik faiz dərəcəsi (FİFD) isə 32,80%-lə 69,90% aralığında dəyişir. Kredit rəsmiləşdirilməsi zamanı 2%-dən 5%-dək komissiya tutulur. Təminat tələb olunmasa da, zaminin olması mütləqdir.

Tələb olunan sənədlər:

• Müştərinin şəxsiyyət vəsiqəsi
• Gəliri təsdiq edən sənəd
• Zaminin şəxsiyyət vəsiqəsi
• Zaminin gəlirini və ya iş yerini təsdiq edən sənəd

Qeyd edək ki, bu kredit məhsulu əsasən mövsümi ehtiyaclarını qarşılamaq istəyən fermerlər və kənd təsərrüfatı fəaliyyəti ilə məşğul olan şəxslər üçün nəzərdə tutulub.

Ətraflı məlumata üçün linkə daxil olun:
//www.azmk.az/household-loan

Fuad Mədətov
Finss.az