2024-cü ildə bank sektorunun əsas maliyyə mənbəyi olan hüquqi və fiziki şəxslərin depozitlərində artım müşahidə olunub.

Finss.az xəbər verir ki, bu barədə məlumat Azərbaycan Mərkəzi Bankının (AMB) 2024-cü il üzrə Maliyyə Sabitliyi Hesabatında yer alıb.

Hesabata əsasən, 2024-cü ildə hüquqi şəxslərin depozitləri 7% (1.43 mlrd. manat) artaraq 23.4 mlrd. manata, fiziki şəxslərin depozitləri isə 14% (1.72 mlrd. manat) artaraq 14.3 mlrd. manata çatıb.

Hüquqi şəxslərin depozitlərinin öhdəliklərdə payı 0.5 faiz bəndi azalaraq 50.4%, fiziki şəxslərin depozitlərinin payı isə 1.65 faiz bəndi artaraq 30.8% təşkil edib.

Depozit artımı əsasən müddətli depozitlərin artımı hesabına baş verib.

Fuad Mədətov
Finss.az