Fins.az - SoftBank Group Corp., Oracle Corp.-un səhmdarı olduğu ABŞ-ın çip istehsalçısı Ampere Computing ilə alqı-satqısı barədə danışıqlar aparır.

Məlumatlı mənbələrə görə, bu razılaşma çərçivəsində Ampere-nin dəyəri borcları nəzərə alaraq təxminən 6,5 milyard dollar olacaq.

Mənbələr, SoftBank Group-un bu razılaşmanı yaxın həftələrdə elan edə biləcəyini bildirir. Lakin, tərəflər xəbərdarlıq edirlər ki, danışıqlar irəliləmiş olsa da, prosesin uzanması və ya dayandırılması ehtimalı mövcuddur.

Yanvar ayında verilən xəbərlərə görə, SoftBank Group və onun nəzarətindəki çip istehsalçısı Arm Holdings, Ampere-ni almağa maraqlıdır. 2021-ci ildə isə Yapon şirkəti, Ampere-yə 8 milyard dollar dəyərində investisiya etməyi planlaşdırmışdı. Ampere, Arm texnologiyalarına əsaslanan prosessorlar istehsal edir və əsasən data mərkəzləri üçün məhsullar təqdim edir.

Oracle, keçən il Ampere-nin 29%-nə sahib olduğunu və bu payla şirkət üzərində tam nəzarət əldə etmək üçün opsionlarını həyata keçirə biləcəyini açıqlamışdı. Bu alqı-satqı, həm SoftBank, həm də Oracle üçün strateji əhəmiyyət kəsb edir.