Ötən il Azərbaycandan Birləşmiş Krallığa fiziki şəxslər tərəfindən həyata keçirilən pul köçürmələrinin həcmi 28,5 milyon ABŞ dolları təşkil edib.

Bu barədə Finss.az-a Azərbaycan Mərkəzi Bankından məlumat verilib.

Məlumata görə, bu göstərici 2023-cü ilin eyni dövrü ilə müqayisədə 5,2 milyon ABŞ dolları və ya 15,6% azalma ilə müşahidə olunub.

Hesabat ilində ölkədən həyata keçirilən ümumi pul köçürmələrində Birləşmiş Krallığın payı 5,4% olub.

Bununla yanaşı, ötən il Birləşmiş Krallıqdan Azərbaycana fiziki şəxslər tərəfindən göndərilən pul köçürmələrinin həcmi 34 milyon ABŞ dolları təşkil edib ki, bu da 2023-cü illə müqayisədə 818 min ABŞ dolları və ya 2,5% artım deməkdir.

Hesabat dövründə ölkəyə daxil olan ümumi pul köçürmələrində Birləşmiş Krallığın payı 3,1% səviyyəsində olub.

Xatırladaq ki, 2023-cü ildə Azərbaycandan Birləşmiş Krallığa fiziki şəxslər tərəfindən göndərilən pul köçürmələrinin həcmi 33,7 milyon ABŞ dolları, əks istiqamətdə isə 33,2 milyon ABŞ dolları təşkil etmişdi.

Ümumilikdə, 2024-cü ildə Azərbaycandan xarici ölkələrə fiziki şəxslərin həyata keçirdikləri pul köçürmələrinin həcmi 526,8 milyon ABŞ dolları olub. Bu göstərici 2023-cü illə müqayisədə 23,4 milyon ABŞ dolları və ya 4,2% azdır.

Eyni zamanda, hesabat ilində xarici ölkələrdən Azərbaycana fiziki şəxslər tərəfindən göndərilən pul köçürmələrinin həcmi 1,08 milyard ABŞ dolları təşkil edib. Bu isə 2023-cü illə müqayisədə 571,9 milyon ABŞ dolları və ya 34,6% azalma deməkdir.

Fuad Mədətov
Finss.az