Ötən il İran İslam Respublikasının Azərbaycan iqtisadiyyatına cəlb olunmuş birbaşa xarici investisiyalarının həcmi 371,487 milyon ABŞ dolları təşkil edib.

Finss.az Azərbaycan Mərkəzi Bankına istinadən xəbər verir ki, bu rəqəm 2023-cü illə müqayisədə 24,496 milyon ABŞ dolları və ya 6,2% azalmadır.

Hesabat ilində Azərbaycana cəlb olunmuş birbaşa xarici investisiyaların ümumi həcmində İranın payı 5,3% təşkil edib. Xatırladaq ki, 2023-cü ildə İrandan Azərbaycana yönələn birbaşa xarici investisiyaların həcmi 395,983 milyon ABŞ dolları olub.

Ümumilikdə, 2024-cü ildə Azərbaycan iqtisadiyyatına birbaşa xarici investisiyaların həcmi 7,046 milyard ABŞ dollarına çatıb ki, bu da əvvəlki illə müqayisədə 388,1 milyon dollar və ya 5,83% artım deməkdir.

Eyni zamanda, hesabat ili ərzində Azərbaycandan xarici iqtisadiyyata yönəldilmiş birbaşa xarici investisiyaların həcmi 1,762 milyard ABŞ dolları təşkil edib. Bu isə 2023-cü illə müqayisədə 1,354 milyard ABŞ dolları və ya 43,3% azalma ilə müşayiət olunub.

Fuad Mədətov
Finss.az