Ötən il ABŞ-ın Azərbaycan iqtisadiyyatına yatırdığı birbaşa xarici investisiyaların həcmi 149,826 milyon ABŞ dolları təşkil edib.

Finss.az Azərbaycan Mərkəzi Bankına istinadən xəbər verir ki, bu göstərici 2023-cü illə müqayisədə 222,082 milyon ABŞ dolları və ya 12,8% azalıb.

Hesabat ilində Azərbaycana yönəldilən ümumi birbaşa xarici investisiyaların 2,1%-i ABŞ-dən yatırılan sərmayələrin payına düşüb.

Öz növbəsində, Azərbaycan ötən il ABŞ iqtisadiyyatına 88,527 milyon ABŞ dolları sərmayə yatırıb ki, bu da 2023-cü illə müqayisədə 223,248 milyon ABŞ dolları və ya 71,6% azdır. Birbaşa xarici investisiyaların ümumi həcmində ABŞ-yə yatırılan Azərbaycan sərmayələrinin xüsusi çəkisi 5% təşkil edib.

Məlumat üçün qeyd edək ki, 2023-cü ildə ABŞ-dən Azərbaycana yönəldilən birbaşa xarici investisiyaların həcmi 171,908 milyon ABŞ dolları, Azərbaycandan ABŞ-yə yatırılan investisiyaların həcmi isə 311,775 milyon ABŞ dolları olub.

Ümumilikdə, 2024-cü ildə Azərbaycan iqtisadiyyatına birbaşa xarici investisiyalar 7,046 milyard ABŞ dolları təşkil edib ki, bu da 2023-cü illə müqayisədə 388,1 milyon ABŞ dolları və ya 5,83% artım deməkdir.

Bununla yanaşı, hesabat ili ərzində Azərbaycandan xarici iqtisadiyyata yönəldilmiş birbaşa xarici investisiyalar 1,762 milyard ABŞ dolları olub ki, bu da 2023-cü illə müqayisədə 1,354 milyard ABŞ dolları və ya 43,3% azalma deməkdir.

Fuad Mədətov
Finss.az